Relax no corazón da natureza

A Casa Rural do Morcego garante unha experiencia e un entorno único, rodeada de natureza en estado puro, enclavada nun pequeno val ideal para relaxarse e descansar, onde é posible saír pasear polos seus frondosos bosques.

Trátase dunha casa de aldea de 450 metros cadrados restaurada en 2008, dividida en dúas plantas con 5 amplas habitacións, 2 suites con terraza con saída directa ao xardín e 3 habitacións máis, todas elas cunha decoración que fusiona o moderno e o antigo para acadar o máximo confort.

Se necesitas tranquilidade nas túas escapadas e desconectar, animámoste a que goces da experiencia que ofrece a Casa Rural do Morcego: relaxación e contacto directo coa natureza.