Alóxate nunha antiga casa tradicional galega

Se buscas un refuxio de paz en pleno corazón de Galicia, a Casa Rural Castro de Crecente é o teu destino ideal. Ubicada nunha contorna natural espectacular ao pé do milenario camiño a Santo André de Teixido, esta encantadora casa rural combina a arquitectura tradicional galega con todas as comodidades modernas para ofrecerche unha estadía inesquecible.

Esta antiga casa rural de labranza conta con tres dormitorios, dous salóns amplos, un con cheminea e outro con billar. Ademais, dispón dunha acolledora cociña con comedor amplo e dous baños. O seu xardín, perfectamente coidado, posúe 8.000 metros cadrados de terreo con céspede, árbores frutais, barbacoa e hórreo, todo de uso privado.