Un recuncho de tranquilidade

Agochada entre a natureza de Valdoviño, a Praia do Rego é un remanso de paz para quen busca desconectar nun entorno íntimo e apacible. Se o que buscas é un refuxio tranquilo, rodeado de beleza natural e sen masificacións, a Praia do Rego cos seus 160 metros de lonxitude, agárdate cos brazos abertos.

As augas do Rego son máis tranquilas que noutras praias da zona, permitindo gozar dun baño relaxado, aínda que sempre é importante ter en conta as correntes do Atlántico. A súa contorna rural e illada proporciona unha sensación de desconexión total, ideal para quen desexa gozar do contacto coa natureza en estado puro.

Acceder a este recuncho é sinxelo, aínda que a praia non conta con infraestruturas turísticas nin servizos, o que reforza o seu encanto natural. Aquí, os sons do mar e a brisa mariña son os únicos compañeiros, facendo do Rego un lugar perfecto para escapar do ritmo de vida acelerado.