Un escenario natural de extraordinaria beleza

Esta praia é un dos destinos máis impresionantes da costa galega, ofrecendo un escenario natural de extraordinaria beleza e diversidade. Con máis de tres quilómetros de area fina e dourada, a praia da Frouxeira ábrese ao Atlántico cun carácter salvaxe que a converte nun paraíso para os amantes do mar, o surf e os deportes acuáticos e nela teñen lugar ano tras ano, importantes campionatos de surf.

A Frouxeira é ideal tanto para quen busca aventura como para quen desexa gozar de longos paseos pola ribeira, rodeado da inmensidade do océano e das suaves dunas que caracterizan o entorno. Ademais, a súa amplitude permite que, incluso en tempada alta, se poida gozar dun ambiente tranquilo e sen aglomeracións.

Outro dos aspectos que a fai única é a súa proximidade á Lagoa da Frouxeira, unha xoia natural protexida polo seu valor ecolóxico. Este espazo privilexiado é un refuxio para aves migratorias, o que a converte nun paraíso para os afeccionados á ornitoloxía e os amantes da natureza. A combinación de praia e lagoa crea unha paisaxe cambiante e espectacular, con solpores inesquecibles e unha atmosfera máxica que invita á contemplación e á desconexión.