Un paraiso para o deporte acuático

O Encoro das Forcadas, construído na década de 1960, é moito máis ca unha fonte de abastecemento de auga para a comarca de Ferrolterra. Rodeado de paisaxes verdes e montañosos, este encoro ofrece unha contorna natural de gran beleza que invita a gozar da serenidade e do aire libre.

Cunha superficie considerable (150 hectáreas), o encoro é o lugar ideal para quen busca escapar do bulicio e mergullarse na natureza. Os seus arredores son perfectos para realizar camiñadas, paseos en bicicleta ou gozar da observación de aves, xa que é fogar de diversas especies acuáticas. Tamén é un bo espazo para practicar kaiak ou piragüismo, así como para a pesca recreativa e o avistamento das numerosas aves que o habitan durante todas as épocas do ano, aínda que nalgún momento do ano nolo poidamos atopar pechado por presenza de cianobacterias.

Accesible por estrada e con sendeiros que permiten percorrer os seus arredores, este espazo converteuse nun lugar de referencia para quen goza do contacto directo coa natureza nun ambiente tranquilo e apartado.